АСТАНА, 9 қыркүйек – Sputnik. Астанадағы 5-ші Дүниежүзілік көшпенділер ойындарының алғашқы жеңімпаздары анықталды, деп хабарлайды Sputnik Қазақстан.
Ойындардың ашу рәсіміне дейін этноауылда жамбы атудан алғашқы сайыстар өтті. Спортшылар мажар стилі бойынша өзара сынға түсті.
Осы жарысты 27 елден 78 адам қатысты.
Жамбы ату (мажар стилі) жеңімпаздары:
алтын медаль - француз спортшысы Рафаэль Малет;
күміс жүлде - моңғол Алтануяг Нэргүй;
қола - француз Гаэтан Бло.
Айта кетері, бұл жарысқа Қазақстанның төрт спортшысы қатысты. Олардың ішінде Абзал Тұлыбеков үздік бестікке енді. Бүгін жамбы атудан Азия стилі бойынша жарыстар өтеді.