АСТАНА, 2 қыркүйек– Sputnik. 2024 жылдың бірінші жартыжылдығында елімізде күрішті қоса алғанда 145,9 мың тонна жарма өндірілді, бұл өткен жылдың сәйкес кезеңімен салыстырғанда 28,4% артық , деп хабарлады Ұлттық статистика бюросы.
Осы кезеңде жарма импорты 27,5% қысқарып, 2023 жылғы қаңтар-маусымдағы 20,8 мың тоннамен салыстырғанда 15 мың тоннаны құрады. Жалпы ресурстардағы импортталған өнімнің үлесі - 9,4%.
"Сондай-ақ жарма экспорты 14,2% азайды, биыл алғашқы алты айда 55,3 мың тонна өнім шетелге жіберілсе, 2023 жылғы қаңтар-маусымда экспорт көлемі 64,5 мың тонна болған", -деп жазылған хабарламада.
2024 жылдың алғашқы алты айында ішкі нарықта саудаланған жарма көлемі 105,6 мың тоннаны құрады, бұл өткен жылдың сәйкес кезеңімен салыстырғанда 51,2% артық.