АСТАНА, 1 қыркүйек - Sputnik. Қорғану негіздері еліміздің барлық балабақша, мектеп пен колледждерінде 1 қыркүйектен бастап оқытыла бастайды, деп хабарлайды оқу-ағарту министрлігі.
Балалардың жеке қауіпсіздігі мен айналасындағыларды қорғауға саналы және жауапкершілікпен қарауын қалыптастыру, сондай-ақ төтенше жағдайларда іс-қимылға дайындығын арттыру үшін оқу-ағарту министрлігі 130 "жеке қауіпсіздік" сабағын әзірледі.
"Сабақ балалардың жас ерекшеліктері мен даму деңгейін ескереді, сонымен бірге жағымды көңіл-күй мен жақсы мотивация үшін қолайлы жағдай жасайды", - дейлі министрлік.
Сабақтар апта сайын 10 минут ішінде сынып сағаты аясында, тақырыпты жылына үш рет қайталай отырып өткізіледі деп жоспарланған.
Сабақ соңында барлық жастағы балаларға материалды қолжетімді және түсінікті етуге көмектесетін практикалық кеңестер, ойындар, оқытудың интерактивті әдістері, демонстрациялар, бейнероликтер және практикалық оқытудың басқа түрлері ұсынылады.