АСТАНА, 30 тамыз – Sputnik. Әлемнің төртінші ракеткасы, қазақстандық теннисші Елена Рыбакина АҚШ-тағы US Open – 2024 турнирін жалғастырудан бас тартты, деп хабарлайды Sputnik Қазақстан.
Екінші айналымда Рыбакина 27 жастағы Джессика Поншемен кездесуі тиіс болған. Француз теннисшісі әлемдік рейтингте 143-орында тұр. Енді ол бірден үшінші айналымға шығады. Ал Рыбакина неге ондай шешім қабылдағанын түсіндірді.
"Өкінішке қарай, жарақаттарыма байланысты матчтан бас тартуға тура келді. "Үлкен шлемнің" соңғы турнирін осылай аяқтаймын деп ойлаған жоқпын. Алайда денсаулықты да ойлау керек. Жылдың соңында барымды саламын деген үміт бар. Маған қолдау көрсетіп жүрген барша жанкүйерлеріме алғысымды айтамын, ал турнирде қалған ойыншыларға сәттілік тілеймін", - деді Рыбакина баспасөз-мәслихатында.
Айта кетері, Рыбакина үшін биылғы маусым оңай болмады. Дегенмен WTA-1000 турнирлерінде виннерстері 600-ге дейін жетті. Соның арқасында 2024 жылы екінші орынға дейін көтерілді. Бұғанд дейін Рыбакина Париж Олимпиадасында жарыс жолына шығудан бас тартқан болатын. Сол үшін қазақстандықтардан кешірім сұрады.