Байқаудың бас жүлдесін океанариумдағы баланың шыны арқылы акулаға қарап тұрған суреті жеңіп алды. Бір қызығы, сурет ақ-қара түсте түсірілген. Америкалық автор Эрин Брукстың идеясы осындай болды.
Жеңімпаздар қатарында ресейлік фотограф Артём Колеганов та бар. Санкт-Петербург тұрғыны "Портрет" аталымы бойынша бірінші орынды иеленді. Бұл сурет ескі iPhone X телефонында түсірілген. Дегенмен, жыл жеңімпаздары рейтингіндегі көптеген сурет iPhone 15-тің соңғы үлгілері арқылы түсірілген.
Байқау қатысушылары әртүрлі категориялар бойынша бақ сынады: "Балалар", "Пейзаж", "Табиғат", "Өмірстилі", "Адамдар", "Жануарлар", "Архитектура", "Абстракция", және "Басқа".
Телефонға түсірілген үздік суреттерді топтамадан тамашалаңыздар!