АЛМАТЫ, 21 тамыз - Sputnik. Қыз зорлады деген күдікке ілінген боксшы Жанқош Тұраров әлеуметтік желіде жазба жариялады.
"Үш қыз өсіріп отырған әкемін! Төсектес қыз келер болса маған зорламай-ақ келетін жағдайым бар! Қайдан шыққан жала екенін түсінбей отырмын, қазір мәселенің мән-жайын анықтап, кім қандай жала тағып отырғанын анықтатын боламын", - деп жазды боксшы.
Еске салсақ, танымал кәсіпқой боксшы Жанқош Тұраров қыз зорлады деген күдікке ілінді. Полицияның мәліметінше, арыз түсіп, қылмыстық іс қозғалды.