АСТАНА, 21 тамыз – Sputnik. Аналитиктер 2024 жылы инфляция 8,0% деңгейінде болады деп болжады.
Ал 2025 жылға арналған болжам 6,8%-дан 6,9%-ға дейін аздап нашарлады. 2026 жылы инфляция 6,0% деңгейінде тұрақтайды.
Осы жылдың тамыз айында мұнай бағасына қатысты сценарий шарттары айтарлықтай өзгеріске ұшырамады. Респонденттердің медианалық болжамы бойынша 2024 жылы Brent маркалы мұнайдың бағасы орташа есеппен барреліне 83,5 АҚШ доллары деңгейінде қалыптасады (бұған дейін – 83,7 АҚШ долл.).
2025 және 2026 жылғы болжамдар 80,0 АҚШ доллары деңгейінде сақталып отыр.
"2024 және 2026 жылдарға арналған Қазақстан экономикасына қатысты болжам 4,0% (бұдан бұрын – 4,1%) және 4,4%-ға (бұдан бұрын – 4,5%) дейін аздап қайта қаралған. 2025 жылы бұрынғыдай 5,0% деңгейінде өсім күтілуде", - деп жазылған хабарламада.
Сарапшылардың 2025 жылға арналған базалық мөлшерлеме деңгейі бойынша болжамы 11,0%-дан 11,9%-ға дейін қайта қаралған. 2024 жылға арналған базалық мөлшерлеме болжамдарының медианалық мәндері 14,4%-дан 14,5%-ға дейін біршама жоғарылады. 2026 жылға арналған бағалау өзгерген жоқ.
Сауалнамаға Қазақстан аумағында макроэкономикалық көрсеткіштерді талдаумен және болжаумен айналысатын 14 ұйым қатысты. Респонденттердің қатарына нарықтың кәсіби қатысушылары, зерттеу институттары және халықаралық ұйымдар мен рейтингтік агенттіктер кіреді.
Макроэкономикалық сауалнамаға Ұлттық банк болжамдары кірмейді.