АЛМАТЫ, 19 тамыз - Sputnik. Маңғыстауда экология талаптарын бұзғанкомпанияға 7,8 миллион теңге айыппұл салынды, деп хабарлайды Маңғыстау облыстық прокуратурасы.
Табиғат қорғау прокуратурасы экологиялық заңнама талаптарын бұзғандарды анықтады.
"Жер қойнауын пайдаланушы "Жалғызтөбемұнай" ЖШС 2024 жылдың 1-11 қаңтар аралығында экологиялық рұқсатсыз мұнай және ілеспе газ өндірген", - дейді ведомство.
Прокурорлық қадағалау актісімен аталған мекеме Қазақстан Республикасының Әкімшілік құқық бұзушылық туралы кодексінің 328-бабының 1-бөлігі бойынша әкімшілік жауаптылыққа тартылды. Айыппұл сомасы 7,8 млн теңге.