АСТАНА, 14 тамыз – Sputnik. АҚШ президенті Джо Байден Ресейдің Курск облысындағы жағдайды назарда ұстап отырғанын мәлімдеді.
"Мен өз қызметкерлеріммен кейінгі алты-сегіз күнде төрт-бес сағат сайын осы мәселені тұрақты талқылап отырмын. Бұл Путин үшін нағыз дилемма тудырады. Біз украиндармен тікелей және тұрақты байланыстамыз. Қазіргі уақытта айта алатыным осы ғана", - деді ол.
Байден бүгінге дейін Украина қарулы күштерінің Курск облысындағы әрекеті туралы ашық айтудан бас тартты.
Сейсенбі күні Bloomberg Украина Ресей аумағына басып кіру үшін АҚШ пен Еуроодақ басшылығының мақұлдауын алып, Ресейге тосын шабуыл жасаудың бірнеше сценарийін қарастырып жатқанын хабарлады.
6 тамыз күні таңғы сағат 5.30-да Украина қарулы күштерінің бөлімдері Курск облысындағы аумақты басып алу мақсатында шабуылға шықты, олардың ілгерілеуі тоқтатылды, деп хабарлады Ресей қарулы күштері бас штабының басшысы Валерий Герасимов.
Курск, Белгород және Брянск облыстарында терроризмге қарсы операция режимі енгізілді. Курскте федералды сипаттағы төтенше жағдай да іске қосылды.