АСТАНА, 9 тамыз – Sputnik. Air Astana компаниясы төрт ұшақтың зақымдануына байланысты рейстердің кешігуі мүмкін екенін ескертті, деп хабарлайды Sputnik Қазақстан.
Астанада болған қатты дауыл мен бұршақтың салдарынан төрт ұшақтың зақым келді. Қазіргі кезде компания инженерлері қажетті тексеру және жөндеу жұмыстарын бастап кетті. Жөндеу жұмыстары бірнеше күнге созылады.
"Жолаушыларымыздан әуежайға жол тартпас бұрын рейс статусын әуекомпания сайтында тексерулерін сұраймыз", - делінген ресми хабарламада.