АСТАНА, 6 тамыз – Sputnik. Республикалық партиядан АҚШ президенті лауазымына үміткер Дональд Трамп қараша айында өтетін сайлауда жеңіске жететін болса, дереу Ресей лидері Владимир Путин мен Украина президенті Владимир Зеленскийді келіссөзді бастауға шақыратынын айтты.
"Егер сайлауда жеңіске жетсем, ең алдымен Путин мен Зеленскийге хабарласамын – екеуін де жақсы білемін және оларды мұны істеуге (бейбітшілік туралы келіссөзді бастауға – ред.) көндіремін", - деді Трамп Kick стримингтік платформасында стример Эдин Росспен сұхбатында.
Трамп АҚШ-тағы президент сайлауында жеңіске жететін болса, Украинадағы жанжалды инаугурацияға дейін реттейтінін бірнеше рет мәлімдеген.