АЛМАТЫ, 6 шілде – Sputnik. Қазақстан өмір сүру сапасы рейтингінде 83 елдің ішінде 72-ші орынды иеленді, деп жазды Ranking.kz Numbeo.com. порталына сілтеме жасап.
Қазақстан бұл көрсеткіш бойынша өткен жылы 74-ші, ал 2022-ші жылы 76-шы орында болған.
Осы жылдың ортасында Қазақстанда өмір сапасының жалпы индексі 102 болған, ең жоғары көрсеткіш – 219.
Дамыған елдермен салыстырғанда Қазақстанда сатып алу қабілеті төмен, тұрғын үй қымбат, экологиясы нашар.
Жақсы жаңалық: біздің елде өмір сүру құны салыстырмалы түрде төмен, қауіпсіздік пен денсаулық сақтау орташа деңгейде.
Рейтинг лидерлері негізінен Еуропа мемлекеттері. 2024 жылдың маусымында Люксембург (219,3), Нидерланды (207,5), Дания (205,6), Оман (204,3) және Швейцарияда (204) өмір сапасының ең жоғары индекстері тіркелген.
Онда өмір сүру Қазақстанға қарағанда қымбатырақ. Алайда бұл елдерде сатып алу қабілеті жоғары, олардың азаматтары қазақстандықтарға қарағанда көбірек тауарлар мен қызметтерді сатып ала алады. Сондай-ақ бұл мемлекеттерде ауа мен судың таза болуына, тұрғын үй мен медицинаның қол жетімділігіне байланысты өмір сапасы жоғары бағаланады.