АЛМАТЫ, 5 шілде – Sputnik. Қасым-Жомарт Тоқаев күзде Түрікменстан мемлекетіне барады, деп хабарлайды Ақорда.
Тоқаев Түркіменстан президенті Сердар Бердімұхамедовпен телефон арқылы сөйлесті.
"Мемлекет басшылары қазақ-түрікмен қатынастарының қарқынды дамып келе жатқанына назар аударып, Қазақстан президентінің биыл күзде Түрікменстанға жоспарланған сапарының дайындық барысын талқылады", - деп жазды ведомство.
Екі ел басшысы әңгіме барысында көлік-логистика, энергетика, мәдени-гуманитарлық және басқа да салалардағы екіжақты ынтымақтастықты ары қарай нығайтудың маңыздылығы туралы айтты.