АЛМАТЫ, 3 тамыз - Sputnik. Ресей Федерациясының Федерация Кеңесі ЕАЭО-да электрондық коммерцияны реттеу туралы хаттаманы ратификациялады7 Бұл туралы РИА Новости хабарлайды.
Оған сәйкес жаңа институт – логистикалық оператор мен кеден өкілінің функцияларын біріктіретін электрондық коммерция операторы, сондай-ақ электронды сауда тауарлары үшін кедендік декларацияның жаңа түрі енгізілуде.
"Оператордың негізгі функцияларының бірі халықаралық онлайн платформада сатып алынатын тауарларды қолдау, оның ішінде логистиканы қамтамасыз ету", - делінген хабарламада.
Сондай-ақ хаттама ЕАЭО-ға мүше әрбір мемлекетке электрондық коммерция тауарларына қосылған құн салығын белгілеу құқығын береді. Сонымен қатар, хаттамада жеке тұлғалар тікелей әкелетін электрондық коммерция тауарларын әкелу үшін бажсыз шекті белгілеу мүмкіндігі қарастырылған.
Хаттамаға Санкт-Петербургте ЕАЭО-ға мүше мемлекеттердің басшылары қол қойып, Ресей президенті Владимир Путин Мемлекеттік Думаға ратификациялауға ұсынды. Ол сыртқы электрондық коммерция арқылы сатып алынған тауарларды жеке санатқа бөледі және мұндай қызметті реттеу ерекшеліктерін анықтайды.