АСТАНА, 31 шілде – Sputnik. ЕАЭО барған сайын сұранысқа ие болып келеді, деп хабарлады РФ Федерация Кеңесі. Сенаторлардың негізгі талқылау тақырыбы ЕАЭО, ШЫҰ және БРИКС елдеріндегі әріптестік пен ынтымақтастық болды.
Осындай бірлестіктердің негізінде көп полярлылық саясаты қалыптасуы керек, деді сенаторлар. Федерация Кеңесінің Халықаралық істер жөніндегі комитетінің төрағасы Григорий Карасин атап өткендей, халықаралық геосаясаттағы басты тенденциялардың бірі "ұжымдық Батыс" шеңберінен тыс әлемдік көпшілік мемлекеттердің дауысының күшеюі болды.
Азия, Африка, Таяу Шығыс және Латын Америкасы елдерімен ынтымақтастық Ресей үшін сыртқы саясаттағы басымдық болып табылады.
"ЕАЭО, ШЫҰ және БРИКС арасындағы диалог аймақтық бірлестіктердің кең серіктестік желісінің, әділ әлемдік тәртіп пен экономикалық тұрақтылықтың жан-жақты кеңістігін қалыптастырудың алаңына айнала алатыны анық", - деді Григорий Карасин.
ЕАЭО мен БРИКС арасындағы диалог жағдайында төлем жүйелерінің өзара интеграциясы, төлемдерде ұлттық валюталарды пайдалану, көлік, логистика және энергетика салаларындағы ынтымақтастық әлеуеті ерекше өзекті болып табылады.
Бұл бірлестіктер сонымен қатар егеменді мемлекеттердің ішкі істеріне араласуға, қосарланған стандарттар мен заңсыз біржақты санкцияларды қолдануға қарсы, деп атап өтті Федерация Кеңесі.