АСТАНА, 26 шілде - Sputnik. Еуразиялық экономикалық комиссияның штаб-пәтерінде екі жұмыс тобының өкілдері ЕАЭО елдерінің кеденшілері одақ шекарасынан өткен тауарларға арналған декларацияларды оңайлатылған тәртіпте қалай тексеретінін талқылады.
ЕАЭО елдерінде уәкілетті экономикалық оператор институтын және кедендік декларацияны дамыту мәселелері бойынша Кедендік реттеу жөніндегі консультативтік комитеттің отырысы ЕЭК Кеден заңнамасы және құқықтық қолдану тәжірибесі департаменті директорының орынбасары Нұрлан Байназаровтың төрағалығымен өтті.
"Бұл жоба тиісті реттеуді қамтамасыз етеді, тауарларды декларациялаудың оңайлатылған тәртібін қолдануда болжамы мен анықталуын арттырады", - деп мәлімдеді Нұрлан Байназаров.
Бұл декларация тапсырғанға дейін тауарларды шығаруға қатысты мәселе.
Бұл шығару оңайлатылған кедендік құжаттың негізінде жүзеге асырылатын және декларация кейінірек (келесі айдың 10 немесе 15-іне дейін) ұсынылған кезде тауарларды шығару мен декларациялаудың оңайлатылған тәртібі.
ЕЭК-тегілер бұл рәсім егер бизнес үшін тауарлар шығарылғаннан кейін декларация берілетін тауарларға декларацияны бергенге дейін шығару сынды жеңілдету қолданылса, құжаттар мен деректерді тексеру кезінде кеден органдары мен бизнес әрекеттерінің нақты алгоритмін құруға мүмкіндік береді.
Жиынға ЕАЭО елдерінің 30-ға жуық мемлекеттік органдары мен бизнес өкілдері қатысты.