АЛМАТЫ, 24 шілде - Sputnik. Варшава мен Киев Волыньдағы қырғын мәселесін шешпейінше, Украина ЕО-ға қабылданбайды, деп хабарлады Польша қорғаныс министрі Владислав Косиниак-Камыш Polsat телеарнасында.
"Нақты айтуымыз керек: Волынь мәселесі шешілмесе, Украина ЕО-ға кірмейді", - деді министр.
Оның айтуынша, Варшава Киевті қолынан келгенше қолдап отыр, дегенмен екі ел арасындағы тарихи мәселелердің шешілмегеніне байланысты "бәрі де ойдағыдай емес".
1943 жылдың басынан бастап украин ұлтшылдары Волыния мен Шығыс Галисияда адамдарды өлтіріп, поляктарды үйлерінен қуып жіберді. Волынский қырғыны деп аталатын 1943 жылғы оқиғаның шарықтау шегі 11 шілде болып саналады – бұл күні ұлтшылдар бір уақытта 150-ге жуық ауылға шабуыл жасады. Поляк тарихшылары бұл трагедияны геноцид және этникалық тазарту деп санайды.