АЛМАТЫ, 21 шілде - Sputnik. ЕАЭО қор биржалары 2024 жылдың екінші тоқсанында сауда көлемін ұлғайтты, деп хабарлады Еуразиялық экономикалық комиссияның баспасөз қызметі.
"2024 жылдың екінші тоқсанында Армения мен Қырғызстанның қор биржалары өткен жылдың сәйкес кезеңіне қатысты сауда-саттық көлемі бойынша өсім көшбасшылары болды. Қазақстандық Astana International Exchange (AIX) қор биржасы сауда-саттық көлемін 3,3 есеге арттырды. Еуразиялық экономикалық одақтың басқа мемлекеттерінің қор нарықтары өсіп келеді", - делінген хабарламада.
Сондай-ақ тауар биржаларында да өсім бар. Мұнай өнімдерінің баға индекстері өсті.
Бұрын хабарланғандай, KASE Мәскеу биржасынан акцияларды сатып алу мүмкіндіктерін зерттеп жатыр.
Мәскеу биржасы - KASE акционері, 13,1% акцияларға ие, бірқатар келісімдер жасалған стратегиялық серіктес. Алайда, Мосбиржаға қатысты санкциялар енгізілгеннен кейін KASE өзіне және клирингтік орталыққа қауіп-қатерді азайту үшін қатынастарды қайта қарауға мәжбүр. Бұл туралы биржаның басқарма төрағасы Алина Алдамберген баспасөз мәслихатында мәлімдеді.