АСТАНА, 20 шілде— Sputnik. Раданың атышулы экс-депутаты Ирина Фарион басынан оқ жарақатын алып, Львовтағы ауруханада қайтыс болды, деп хабарлайды РИА Новости Украинаның УНИАН агенттігіне сілтеме жасап.
"Ирина Фарион ауруханада қайтыс болды", - делінген агенттіктің хабарламасында.
Бұған дейін Украинаның "Ел" басылымы жергілікті парламентші Игорь Зинкевичке сілтеме жасап, Ресейге қарсы мәлімдемелерімен танымал болған бұрынғы депутат Фарион Львовта шекесіне бағытталған оқ жарақатын алғанын, дәрігерлер оның жағдайы ауыр деп бағалағанын жазған болатын.
Львов бірінші медициналық бірлестігінің анестезиологиялық қызметінің жетекшісі Наталья Матолинецтің айтуынша, науқастың басына алғашқы хирургиялық ота жасалған, содан кейін ол жасанды тыныс алу аппаратына қосылған. Дәрігерлер оның өмірі үшін күрескен, оның жағдайы өте ауыр деп бағаланған, ол комаға түскен.
Қараша айында Украина қауіпсіздік қызметі Фарионға қарсы төрт бап бойынша қылмыстық іс қозғады. Оның себептерінің бірі Украина Қарулы Күштерінің орыстілді әскерилері туралы мәлімдемесі болды. Атап айтқанда, ол орыс тілінде сөйлейтіндерді украиндар деп атай алмайтынын айтты. Кейінірек Фарион Львов политехникалық университетінен жұмыстан шығарылды, ол украин тілі кафедрасында жұмыс істеді. Жергілікті БАҚ-тың хабарлауынша, ақпан айында Львов қаласының Галицкий аудандық соты Фарионды қызметіне қайтарудан бас тартқан, ол апелляциялық шағым түсірген. Мамыр айында ол апелляциялық сотта жеңіп, бұрынғы университеттегі қызметіне қайта оралды, деп хабарлады "Общественное" телеарнасы.