Онкологиялық науқастар дәрі-дәрмексіз қалмайды- министрлік

Ешбір пациент қажетті емсіз қалмайды дейдң денсаулық сақтау министрлігі
Sputnik
АСТАНА, 18 шілде – Sputnik. Денсаулық сақтау министрлігі онкологиялық және онкогематологиялық аурулармен ауыратын пациенттерді дәрілік препараттармен қамтамасыз етуге басымдық береді, деп хабарлайды министрліктің баспасөз қызметі.
Министрліктің мәліметінше, дәрілерді жеткізу тоқтап қалмас үшін ведомство дәрі-дәрмектерді уақытылы беру тетігін анықтады.
Ешбір пациент қажетті емсіз қалмайды.
Облыстық денсаулық сақтау басқармалары мен онкологиялық орталықтар жағдайға мониторинг жүргізеді.
Пациенттерге ыңғайлы болу және қажетті ақпаратты алу үшін 8 (7172) 570 950 нөмірі бар Call-орталық жұмыс істейді.
Оған қоңырау шалып, онкологиялық көмектің қолжетімділігі мен сапасы мәселелері бойынша өтініштер қалдыруға, оның ішінде емдеуден және көмектен бас тарту жағдайлары туралы хабарлауға болады.