АСТАНА, 15 шілде – Sputnik. НАТО Бас хатшысы Йенс Столтенберг Польшаның Украина жеріндегі зымырандарды атып түсіру идеясына қатысты сұраққа жауап берді. Ол альянстың саясаты өзгеріссіз қалатынын және қақтығысқа тікелей араласпайтынын айтты, деп хабарлайды Риа Новости.
"НАТО-ның саясаты өзгермейді. Біз бұл қақтығысқа қатыспаймыз. Украинаның ресейлік ұшақтарды жоюын қолдаймыз, бірақ НАТО бұл қақығысқа тікелей қатыспайды", — деді ол украин телемарафонында.
Бұған дейін Рейтер агенттігі Польша қорғаныс министрлігі басшысының орынбасары Цезари Томчикке сілтеме жасай отырып, Варшава Вашингтондағы НАТО саммитінде Польшаның Украина жеріндегі зымырандарды атып түсіре ала ма деген сұрақты көтергісі келетінін хабарлаған еді.
Германия қорғаныс министрлігінің басшысы Борис Писториус 21 мамырда ГФР және өзге де батыс елдері Ресейдің зымырандары мен ұшқышсыз ұшатын ұшақтарын Украина аумағының үстінен атып түсіру мүмкіндігін талқылап жатпағандығын айтты, өйткені бұл қақтығысқа тікелей кірісуді білдіреді деп мәлімдеді.