АСТАНА, 13 шілде – Sputnik. Жамбыл облысының жантүршігерлік жол апатынан 5 адам қаза болды, деп хабарлайды облыстық полиция департаменті.
Тағы 5 адам ауруханаға жатқызылды. Жол апаты Жуалы ауданындағы "Батыс Еуропа – Батыс Қытай" тасжолында болған.
"Осы факті бойынша қылмыстық іс қозғалды. Қажетті жедел тергеу шаралары жүргізілуде", - делінген полиция хабарламасында.
Полицияның мәліметінше, тергеу барысы облыс прокуратурасының бақылауында.