АСТАНА, 12 шілде – Sputnik. БРИКС елдері аумағында бірыңғай білім беру стандарттары енгізіліп жатыр. Бұл туралы РФ Кеңесінің спикері Валентина Матвиенко БРИКС X Парламенттік форумы аясындағы "Гуманитарлық және мәдени салалардағы парламентаралық ынтымақтастық" атты пленарлық отырыста айтты, деп жазды "СенатИнформ".
Матвиенконың айтуынша, БРИКС елдеріндегі білім беру ұйымдары үшін баламалы рейтинг жүйесін құру үлкен міндет болып есептеледі, өйткені қолданыстағы халықаралық рейтингтер көбінесе әділ емес.
"Сондықтан мен БРИКС елдерінің парламентшілеріне білім беру ұйымдарын бағалаудың жаңа талаптарын әзірлеуге қатысуды ұсынамын", - деді ол.
Федерация Кеңесінің спикері Ресейдің елдегі және әлемнің үздік университеттерінің отандық рейтингін пайдалануда оң тәжірибесі бар екенін айтты. Бұл тәжірибе және БРИКС бойынша басқа серіктес елдерінің тәжірибесі жаңа бейтарап рейтингтерді әзірлеуге негіз бола алады.
Жоғарғы палата басшысы Бразилия, Қытай, Үндістан, Ресей және Оңтүстік Африка елдерінің 50-ден астам университеті қатысатын БРИКС желілік университетін құру сәтті жобалардың бірі екенін еске салды.
"Оның жұмысына жаңа жоғары оқу орындарын тарту қажет. Қазіргі кезеңде біз БРИКС елдерінің әрқайсынан 20-ға дейін университетті қамтитын Желілік университет туралы айтып отырмыз", - деді Матвиенко.