АСТАНА, 9 шілде – Sputnik. Азық-түлік корпорациясы жыл басынан бері 33 миллиард теңгеге жуық қаржыға 300 мың тоннадан астам астық сатқан, деп хабарлайды ауыл шаруашылығы министрлігі.
Министрліктің мәліметінше, құс және мал шаруашылықтары, қайта өңдеу кәсіпорындары дәстүрлі астықты сатып алушыға айналды.
Сатылған астықтың жалпы көлемінің 80 мың тоннасы экспортқа сатылды.
Корпорация жыл басынан бері Қытайға бидай, арпа және зығыр тұқымын жеткізу бойынша 11 экспорттық келісімшарт жасасқан. Азық-түлік корпорациясының қазіргі резервтері ішкі және сыртқы нарықтағы сауда көлемін арттыруға мүмкіндік береді. Қазіргі уақытта 1,2 миллион тонна астық қоры бар.
Азық-түлік корпорациясы көлемдерді сатудан түскен қаражатты несиелер бойынша пайыздарды өтеуге және жаңа өнімнен жыл сайынғы астық сатып алуға жұмсауды жоспарлап отыр. Бұл астық пен жемшөптің тұрақты резервтік қорын қажетті көлемде жаңарту үшін қажет.
Айта кетейік, азық-түлік корпорациясы тауар биржасында биржалық сауда арқылы астық сатуды жалғастыруда.