АСТАНА, 4 шілде - Sputnik. Қазақстан президенті Қасымжомарт Тоқаев "ШЫҰ плюс" форматында сөйлеген сөзінде ШЫҰ-ға мүше мемлекеттердің сауда-экономикалық байланыстарын күшейту ұйым үшін басым бағыт екенін айтты.
"Санкциялық қақтығыстар әлемдік экономикаға айтарлықтай зиян келтіреді, одан әрі даму перспективаларын тарылтады. Мұндай жағдайда біз оң динамиканы сақтауға және әлеуетті арттыруға бағытталған сауда-экономикалық өзара іс-қимылдың неғұрлым икемді стратегиясын құруымыз керек", - деді Тоқаев.
Ол ШЫҰ-ға қатысушы елдер экономикасының қазіргі кезеңде 4%-тен 9%-ке дейін өскенін айтты. Сыртқы сауда 8 трлн доллардан асады - бұл бүкіл әлемдік сауданың төрттен біріне тең.
"Негізінен ШЫҰ есебінен болып жатқан Азияның жаңа және тарихи экономикалық өрлеуі бүкіл жаһандық экономика үшін тұрақтандырушы фактор болады", - деді Тоқаев.
Қазақстан Қытайдың ШЫҰ елдерінің өзінің ауқымды нарығына қолжетімділігін кеңейту және ұйым мүшелерімен тауар айналымын 3 трлн долларға дейін жеткізу ниетін құптайды, деп қосты Тоқаев.
Қазіргі заманның түрлі мәселелерін шоғырландырған ұстанымды ілгерілете отырып, халықаралық аренада ШЫҰ дауысы қаттырақ айтылуы тиіс және солай болады, деп қорытындылады президент. "ШЫҰ плюс" бірінші кездесуіне 16 елдің мемлекет және үкімет басшылары қатысып отыр.