АСТАНА, 3 шілде – Sputnik. Қазақстанның батысы мен оңтүстігінде антициклонның әсерінен ауа райы жауын-шашынсыз болады, деп болжады синоптиктер.
Қазақстанның қалған бөлігінде циклон және онымен байланысты атмосфералық фронтальды бөліктер ықпал етеді, күн күркіреп, бұршақ жауады. Еліміздің солтүстігінде, шығысында және орталығында нөсер жаңбыр жауады. Республика бойынша жел күшейеді, солтүстік-батыста түнде және таңертең тұман түседі.
Күндіз Батыс Қазақстан, Атырау, Маңғыстау облыстарында күн ысиды, Ақтөбе облысының батысы мен оңтүстігінде қатты ыстық болады.
Күндіз Батыс Қазақстан, Атырау, Маңғыстау облыстарының оңтүстігінде өте қатты ыстық болады.
Алматы облысының батысында, солтүстігінде, Павлодар облысының оңтүстігінде, шығысында, орталығында, Абай облысының солтүстік-батысында, орталығында, Атырау облысының батысында, шығысында, Батыс Қазақстан облысының солтүстік-батысында, солтүстігінде, Маңғыстау облысының оңтүстігінде қатты өрт қаупі сақталады.
Түркістан, Қызылорда, Жамбыл, Алматы, Жетісу, Ұлытау облыстарында, Қостанай, Қарағанды облыстарының оңтүстігінде, Атырау облысының батысында, оңтүстік-шығысында, Маңғыстау облысының батысында өте жоғары өрт қаупі сақталады.
Ірі қалалардағы ауа райы
Астана: көшпелі бұлт шығады, кей жерлерде жаңбыр жауады, найзағай ойнайды. Солтүстіктен соғатын жел екпіні 9-14 м/с. Ауа температурасы түнде 13-15, күндіз 21-23 градус жылы.
Алматы: көшпелі бұлт шығады, жауын-шашынсыз. Батыстан соғатын жел екпіні 3-8 м/с. Ауа температурасы түнде 18-20, күндіз 28-30 градус ыстық.
Шымкент: аздап бұлтты, жауын-шашынсыз. Солтүстік-шығыстан соғатын жел екпіні 5-10 м/с. Ауа температурасы түнде 18-20, күндіз 33-35 градус ыстық.