Астана ШЫҰ-2024

Ресей мен Қазақстан арасындағы тауар айналымы 30 млрд долларға жуықтады – Путин

Ресей Қазақстанның негізгі сауда-экономикалық серіктестерінің бірі болып қала береді
Sputnik
АСТАНА, 3 шілде – Sputnik. Ресей мен Қазақстан арасындағы тауар айналымы 30 миллиард долларға жуықтады, деді Владимир Путин Қасым-Жомарт Тоқаевпен кездесуі барысында.
"Ресей Қазақстанның негізгі сауда-экономикалық серіктестерінің бірі болып қала береді. Бізде көптеген маңызды бағыт бар, кооперация өте жоғары. Көптеген қызықты жоба бар", - деді Путин.
"Сіздің сапарыңызда келісілген жобалар өте маңызды. Шын мәнінде, олар біздің мемлекеттеріміздің өзара іс-қимылының стратегиялық сипатын көрсетеді", - деді Тоқаев.
Қазақстан президенті Ресей мен Қазақстан арасындағы екіжақты ынтымақтастық өрлеу бағытында дамып келе жатқанын айтты. Ол бұл жобалардың жүзеге асатынына еш күмәнданбайтынын жеткізді.
Екі ел басшыларының кездесуі "Ритц Карлтон" қонақүйіндегі келіссөздер залында өтуде.
Президенттер бұған дейін мамыр айында Тоқаев Жеңіс күні мен ЕАЭО саммитіне Мәскеуге барған кезде кездесті.
Владимир Путин ертең басталатын Шанхай ынтымақтастық ұйымының саммитіне қатысады. Ал бүгінгі күн Астанаға келген және әлі де келетін мемлекет басшыларының екіжақты келіссөздеріне арналды.