АСТАНА, 3 шілде – Sputnik. Қасым-Жомарт Тоқаев пен Си Цзиньпин Ақордада өткен келіссөздерден кейін Каспий теңізі арқылы Қытай мен Еуропа арасындағы тікелей экспресс жүк тасымалын іске қосты, деп хабарлайды Sputnik Қазақстан.
Екі елдің басшылары салтанатты шараға Ақордадан онлайн байланыс арқылы қатысты. Іс-шара кезінде Ұлы Жібек жолы бағытымен жүретін транзиттік рейс туралы бейнеролик көрсетілді. Осыдан кейін Қасым-Жомарт Тоқаев пен Си Цзиньпин жүк паромдарының қозғалысын іске қосты.
Қазақстан мен Қытай басшылары Бейжіңдегі және Қытайдың Астанадағы мәдени орталықтарын да салтанатты түрде ашты.
"Бұл орталықтар екі мемлекеттің гуманитарлық ынтымақтастығын дамытудың жаңа кезеңіне жол ашады. Сондай-ақ достас екі ел халықтары арасындағы өзара түсіністікті нығайтуға бағытталған түрлі мәдени шаралар, көрмелер, дәрістер мен шеберлік сабақтарын өткізуге арналған алаңға айналады", - делінген ресми хабарламада.
Ал "Астана" (AIU) халықаралық университетінің базасында Бейжің тіл және мәдениет университетінің филиалы ашылды. Осы университетте Қасым-Жомарт Тоқаев та біліп алған.