АСТАНА, 29 маусым - Sputnik. Өскеменде өрт кезінде 12 тұрғын эвакуацияланды, деп хабарлайды төтенше жағдайлар министрлігі.
"Өскемендегі Қазыбек Би даңғылында алты қабатты тұрғын үйдің пәтерінде өрт шықты. Құтқарушылар 12 тұрғынды эвакуациялады, оның ішінде 5 бала бар. Өрт 10 шаршы метр аумақта жедел түрде жойылды", - деп хабарлады ведомстводағылар.
Ресми мәліметке сәйкес, өрт салдарынан зардап шеккендер жоқ.
Электр жабдықтарын орнату және пайдалану кезінде өрт қауіпсіздігі талаптарын сақтамау өрттің алдын ала себебі ретінде болжанды.