Якутск қаласындағы Тарский Н.Н. атындағы "Туймаад"а стадионында VIII Азия балалары ойындарының ашылу салтанаты өтті. .Көрермендерге үш сағаттық бағдарлама ұсынылады: спортшылар делегацияларының шеруі мен қатысушы елдердің тулары, вокалдық және хореографиялық қойылымдар, сондай-ақ танымал әртістердің өнерлері.
Хабарланғандай, биыл спорттың 24 түрінен 239 медаль жиынтығы сарапқа салынады. Жарыстар 16 спорт нысанында өтеді.
Қазақстаннан Азия балалары ойындарына спорттың 19 түрінен 200 спортшы, 54 жаттықтырушы және 6 төреші қатысады. Қазақстандық делегацияның басшысы – Дияс Абайұлы Үкмет.
Қазақстаннан Азия балалары ойындарына спорттың 19 түрінен 200 спортшы, 54 жаттықтырушы және 6 төреші қатысады. Қазақстандық делегацияның басшысы – Дияс Абайұлы Үкмет.
Төрт жылда бір рет өтетін және бүкіл Азия құрлығын қамтитын спорттық жарыстарға жасы 16-дан аспайтын спортшылар қатысады. Жазғы және қысқы ойындар бағдарламасына спорттың 24 түрі кіреді: күрес пен садақ атудан биатлон мен шахматқа дейін. Қазақстан 1996 жылдан бастап жазғы, 2019 жылдан бастап қысқы халықаралық "Азия балалары" спорттық ойындарының қатысушысы.