АСТАНА, 22 маусым – Sputnik. Ақтөбе облысының Мұғалжар ауданы Жарық ауылының маңында "Дельтаплан" ұшу аппараты апатқа ұшырап, ұшқыш көз жұмды.
Көлік министрлігі қайғылы жағдайдың өндірістік жұмыстарды орындау барысында болғанын айтты.
"Министрлік авиациялық оқиғаны тергеп-тексеру бойынша комиссия құрды. Көліктегі оқиғалар мен оқыс оқиғаларды тергеп-тексеру департаментінің қызметкерлері авиациялық оқиға орнына жіберілді",—делінген хабарламада.