АСТАНА, 5 маусым – Sputnik. Германия Украинаға неміс сарбаздарын жіберуді жоспарлап отырған жоқ, деп мәлімдеді Бундестаг депутаттарының сұрақтарына жауап берген Германия қорғаныс министрі Борис Писториус.
"Германия үшін балама" партиясының депутаты Рюдигер Лукассен Бундестагта Германия үкіметі Еуроодақтың басқа елдерін Украинаға өз сарбазын жіберу жоспары туралы хабардар етті ме және Германия қақтығыс аймағына өз әскерін жіберуді жоспарлап отыр ма деп сұрады.
"Сіздің сұрақтарыңызға "жоқ" және "жоқ" деген жауап беремін", - деді Писториус Германияның Phoenix телеарнасындағы тікелей эфирде.
Франция президенті Эммануэль Макрон бұған дейін егер Ресей Федерациясы майдан шебін бұзып өтіп, Киевтен тиісті өтініш түссе, Украинаға әскер жіберу мүмкіндігін жоққа шығармайтынын айтқан.
Оның айтуынша, көп мемлекет Францияның әскер жіберу мүмкіндігі туралы көзқарасымен келіскен.
Monde газеті жазғандай, Макрон Украинаға әскери нұсқаушылар жіберу үшін еуропалық коалиция құрғысы келеді.
Ресей президентінің баспасөз хатшысы Дмитрий Песков бұған дейін Украина әскерилерін оқытатын кез келген нұсқаушының иммунитеті жоқ екенін мәлімдеді.