АСТАНА, 4 маусым – Sputnik. "5 жұлдызды қозғалыс" италиялық оппозициялық ұйымы Батыстың Украинаға қару-жарақ жеткізуіне қарсылық білдіретін және қақтығысты дипломатиялық жолмен шешуді жақтайтын ұстаныммен Еуропарламентте сөйлеуге ниетті, деп хабарлады РИА Новостиге Еуропарламент сайлауындағы үміткер, бұрынғы сенатор Джанлука Феррара.
"Еуропалық парламентте үздіксіз қару жіберуді тоқтатқысы келетін басқа да күштер болады деп үміттенемін. Бұл ешқандай шешімге әкелмейді. Ресей – үлкен мемлекет, оны жеңу туралы ойлауға да болмайды. Бұл қақтығыстың нәтижесі өзара қырып-жоюға әкелетін Үшінші дүниежүзілік соғыс болады", - деді Италияның орталығындағы сайлау округінде Еуропарламенттің орыны үшін таласатын саясаткер.
Оның айтуынша, Еуропа болашақта Қытай мен АҚШ арасындағы текетірес жағдайында тәуелсіз рөл атқара алатын "еркін саяси құрылымға" айналуы керек. Қазір Еуропа "НАТО-ның ұстанымдарына қарай тым көп иілуде", деді Феррара.
"Біз үшінші дүниежүзілік соғысқа апарып соқтыратын осы қақтығыстың одан әрі шиеленісуін емес, диалог пен келіссөздерді жақтаймыз. Біз Папа Франциск айтып отырған дипломатиялық жолды табуды қолдаймыз. Бейбітшілікке қол жеткізу бітімгерлікке әкелетін қарсы тараптың дәлелдерін түсінуді талап етеді", - деді италияляқ кандидат.