АСТАНА, 3 маусым - Sputnik. Ресейдің сыртқы істер министрлігі Украинадағы адам құқықтарының жағдайы туралы есебін жариялады, деп хабарлайды Sputnik БЗ.
Қазіргі уақытта Украинада орыс тіліне, орыс мәдениетіне, орысша білім беруге және орыс тілді бұқаралық ақпарат құралдарына тыйым салынған", - делінген хабарламада.
Киев режимі білім беру саласында орыс тілін ығыстыруда үлкен нәтижеге қол жеткізді десе де болады:
Украина мектептерінде орыс тілінде оқытуға тыйым салынады.
Барлық орыс және кеңестік шығарма оқу бағдарламаларынан алынып, орыс тіліндегі кітаптар бүкіл елдегі кітапханалардан алынып тасталды.
Мектеп оқушылары мен мұғалімдерге сабақта да, жеке қарым-қатынаста да орыс тілінде сөйлеуге тыйым салынады.
"Киев режимі сондай-ақ канондық Украина православиелік шіркеулеріне жасалған шабуылдарды заңнамалық түрде қолдайды, елде нацистерді құрметтейді", - делінген баяндамада.
Бұның барлығына Батыс пен халықаралық құқық қорғау ұйымдарының көпшілігі көз жұмып отыр, деп хабарлады РФ СІМ.