АСТАНА, 31 мамыр – Sputnik. Әлеуметтік маңызы бар азық-түлік тауарларының баға индексі бір аптаның ішінде өзгермеді, ал жылдық есепте 0,6% төмендеді, деп хабарлады Ұлттық статистика бюросы.
Қазақстан бойынша әлеуметтік маңызы бар кейбір тауарлардың орташа бағасы (2024 жылдың 28 мамыры):
Күріш – 491 тг/кг,
Қырыққабат – 128 тг/кг,
Пияз – 116 тг/кг.
Әлеуметтік маңызы бар азық-түлік тауарларының тізбесіне 19 атау кіреді.
Бағаның өзгергені туралы ақпарат барлық облыс орталығынан, республикалық маңызы бар қалалардан және астанадан жиналады. Ол үшін елді мекеннің әртүрлі бөліктерінде орналасқан тауарлардың кең ассортименті бар әртүрлі типтегі сауда объектілері (гипермаркеттер, супермаркеттер, дүкендер, коммуналдық базарлар, әлеуметтік дүкендер мен павильондар) таңдалады.