АСТАНА, 30 мамыр – Sputnik. Бейсенбі күні Байқоңыр ғарыш айлағынан ұшырылған "Союз-2.1а" зымыраны халықаралық ғарыш стансасына аттанатын "Прогресс МС-27" жүк кемесін орбитаға шығарды, деп хабарлады Роскосмос.
Ғарыш кемесі ұшырылғаннан кейін 8 минут 49 секундтан кейін зымыран тасығыштың үшінші сатысынан бөлініп шықты. Станцияға "Прогресс" рейсі екі күнге созылады, қондыру Астана уақыты бойынша 1 маусымда 16.47 сағатқа жоспарланған.
Жалпы массасы 7,4 тонна кеме станцияға 2,5 тоннадан астам жүкті, оның ішінде станция жүйелері мен халықаралық ғарыш стансасының экипажына 1,3 тонна құрғақ жүкті жеткізеді. Роскосмос түсіндіргендей, орбитаға Biopolymer, Interaction-2, Virtual, Correction, Neuroimmunity, Pilot-T және Hurricane эксперименттеріне арналған жабдықтар шығады.