АСТАНА, 22 мамыр – Sputnik. РФ Мемлекеттік Думаның Қырым аймағынан сайланған депутаты, қауіпсіздік комитетінің мүшесі Михаил Шеремет Еуроодақтың ресейлік активтерді бұғаттау туралы шешімін қаржылық сыбайластықпен жасалған қастандық деп атады, деп хабарлайды РИА Новости.
ЕО Кеңесі сейсенбі күні депозитарийлердің ЕО-да иммобилизацияланған ресейлік активтерден алатын кірісінің 90%-ін Украинаға әскери көмек көрсетуге, сондай-ақ қалпына келтіру бағдарламалары үшін ЕО бюджетіне бағыттауды көздейтін шешімді нақты мақұлдады. Депозиттің 10%-і өздерінің әлеуетті тәуекелдері туындаған жағдайға деп сақтай алады. ЕО дипломатиясының басшысы Жозеп Боррель бұл шешімді құптап, оны жүзеге асыруға тез арада кірісу қажет екенін айтты.
"Бұл дивидендтер төлегісі келмейтін ұжымдық Батыстың ресейлік депозиттерді үшінші тұлғаларға беру мақсатында қаржылық сыбайластықпен жасалған қастандық деп түсіндіруге болады. Ресейлік тарап бұл әрекетті біздің депозиттерімізге қызмет көрсету бойынша өз міндеттемелерін одан әрі орындауға қабілетсіздігіне білдіретірн батыс банкінің күйреуі ретінде қарастырылу керек", - деді Шеремет РИА Новостиге берген сұхбатында.
Оның айтуынша, бұл жағдай Еуроодақтан Ресей салған инвестицияны және келтірілген залалды өтеуді талап етуге толық құқық береді.