АЛМАТЫ, 19 мамыр – Sputnik. Германияның қорғаныс министрі Борис Писториус Украинаға әскери көмекті қаржыландыру үшін үкіметтен қосымша 3,8 миллиард еуро сұрады, деп жазды Bild газеті.
Материалда аталып өткендей, биылғы жылға арналған ГФР бюджетінде Киевті қолдауға жеті миллиард еуродан астам қаражат бөлу қарастырылған – бұл бастапқыда осы қажеттіліктерге жұмсау жоспарланғаннан екі есе көп.
Өткен аптада Писториус бұл мәселені Германия канцлері Олаф Шольцпен және қаржы министрі Кристиан Линднермен талқылады, деп хабарлайды Bild. Мақалада қаржы министрі қорғаныс министрлігінің бастамасын қолдағаны айтылған.
Басылым жазғандай, Писториус биліктен 2025 жылға Украина үшін қаражат сұрады. Атап айтқанда, ол бундесвердің қажеттіліктеріне 6,7 миллиард еуро бөлуді сұрады.
Ведомствоның келесі жылға арналған бюджеті Украинаға көмек ретінде рекордтық 15 миллиард еуроға жетті, деп атап өтті Bild.
Газеттің хабарлауынша, биыл Киевке көмек ретінде бөлінген қаражаттың барлығы дерлік ӘАОО уәде еткен жеткізілімдерге "сақталған".
Наурыз айының ортасында Sputnik радиосы Шольц Украинаға көмектесу үшін жаңа коалиция құрғанын жариялады.