АСТАНА, 18 мамыр – Sputnik. Емханалардың дәрігерлері мен мейірбикелердің функционалын қайта бөлу нәтижесінде мейірбикелерге науқастарды өз бетінше қабылдау құқығы беріледі, деп хабарлайды денсаулық сақтау министрлігі.
"Орта медициналық персоналды кардиология, нефрология, эндокринология, гастроэнтерология, офтальмология, оториноларингология және хирургия сияқты бірқатар бағыттар бойынша аурумен ауыратын науқастарды басқаруға мүмкіндік беретін бағдарламалар бойынша оқыту басталды", - делінген хабарламада.
Бұл дәрігерлерге жүктемені неғұрлым ұтымды бөлуге және бастапқы буынның тиімділігін арттыруға мүмкіндік береді.