АСТАНА, 13 мамыр – Sputnik. "Uzbekistan Airways" әуе компаниясы Алматы-Нөкіс әуе бағыты бойынша тұрақты жаңа рейстерді ашады, деп хабарлады Көлік министрлігі.
Рейстер биылғы жылдың 1 маусымынан бастап аптасына екі рет (сәрсенбі және сенбі күндері) 174 орындық "Эйрбас-А320" ұшағы арқылы орындалады.
"Жаңа әуе жолының ашылуы екі ел арасындағы сауда-экономикалық, іскерлік, туризм саласындағы ынтымақтастықты одан әрі дамытуға ықпал етеді", - деп жазылған хабарламада.
Осылайша Қазақстаннан халықаралық рейстердің жалпы саны 121 әуе бағыты бойынша аптасына 567-ге жетті. Қазақстан Республикасынан 28 елге қатынауға болады.