АСТАНА, 10 мамыр – Sputnik. Қазақстанда белгілі бір уақытта электр қуатының тапшылық байқалады. Кешкі уақытта ең жоғарғы жүктеме кезінде 2-3 сағатқа жуық өзіміздегі қуат жетпейді, деді энергетика министрі Алмасадам Сәтқалиев.
Ол Қазақстан электр энергиясы үшін артық төлем жасамайды деп түсіндірді.
"Ресейден сатып алынатын электр энергиясы екі сегментке бөлінеді: жоспар бойынша сатып алынатын және жоспардан тыс жедел сатып алынатын электр энергиясы. Екінші жағдайда баға әлдеқайда жоғары. Біз Ресейден электр энергиясын сатып алуға мәжбүрміз. Жыл басынан бері 280 млн кВт/сағ сатып алынды. Түнде ол арзан, белгілі бір уақытта ол қымбатырақ, сондықтан біз қымбатырақ электр энергиясын сатып алуға мәжбүрміз", - деп түсіндірді ол.
Қазақстан мен Ресей шекарасында электр энергиясын тұтынуда да ауытқулар бар.
"Бұл ауытқулар да жоғары бағамен келеді. Себебі, бұл Қазақстан субъектілерінің жүктеме кестелерін дұрыс жоспарламауынан болып отыр. Оларды KEGOG (Қазақстан электр желілерін басқару компаниясы - Sputnik) реттейді", - деді Сәтқалиев.
Бұл жағдайды түзету үшін тиісті ережелер енгізілді, деп түсіндірді министр.
"Қате жоспарлағандар үшін ішкі нарықтағы тұтыну тәртібін арттыратын қосымша тарифтер енгізіледі", - деді министр.
Министр үкіметтің электр қуатын жаппай енгізуді көздейтін энергетиканы дамыту бойынша шаралар кешенін әзірлегенін айтты.