АСТАНА, 2 мамыр – Sputnik. Қазақстан есірткі өндіргені үшін өмір бойына бас бостандығынан айыруды көздеп отыр, деп хабарлайды Sputnik Қазақстан тілшісі.
Мәжіліс депутаттары есірткі, психотроптық заттар мен олардың прекурсорларының заңсыз айналымына қарсы іс-қимыл туралы заңға енгізілген түзетулерді бірінші оқылымда мақұлдады.
Осылайша, заң жобасында есірткіні заңсыз өндіру есірткі қылмысының ең қауіпті түрі ретінде қарастырылып, аса ірі көлемдегі есірткінің заңсыз айналымы үшін өмір бойына бас бостандығынан айыру енгізіледі. Ең төменгі жаза мерзімі 10 жылдан 15 жылға дейін ұлғайтылды.
Қылмыстық кодекске қандай өзгерістер енгізілуде
Осылайша, Қылмыстық кодекске мынадай жауапкершілік қосылады:
"Улы заттардың, сондай-ақ есірткі құралдарын, психотроптық заттарды, сол тектестерді немесе улы заттарды дайындау немесе қайта өңдеу үшін пайдаланылатын заттардың, құралдардың немесе жабдықтардың заңсыз айналымы" 301-бабына сәйкес күшті әсер ететін заттар мен прекурсорлардың заңсыз айналымы үшін;
Күшті әсер ететін әсер ететін заттармен және прекурсорлармен жұмыс істеу қағидаларын сақтауға тиісті адамдарға осындай ережелерді бұзғаны үшін – "Есірткі, психотроптық немесе улы заттармен жұмыс істеу қағидаларын бұзу" 303-бабы.
Сонымен қатар, құрамында есірткі заттары бар тыйым салынған өсімдіктерді өсіргені үшін қылмыстық жауапкершілік күшейтілуде. Осы мақсатта Қылмыстық кодекстің "Құрамында есірткі заттары бар тыйым салынған өсімдіктерді заңсыз өсіру" 300-бабын "қылмыстық топтың құрамында болу" және "ерекше ірі көлемде" сынды біліктілік белгілерімен толықтыру ұсынылып отыр.
"Халық денсаулығы және денсаулық сақтау жүйесі туралы" Кодекстің 174-бабына өзгертулер енгізіліп, оған сәйкес есірткі заттарын қолданудан мәжбүрлеп емдеуден өткен адамдар клиникадан шыққаннан кейін қарқынды бақылауға жатады және сол клиникада емдеу-сауықтыру емінен өтуге міндетті.