АСТАНА, 24 сәуір - Sputnik. Ресей жаңа "Еуразия" коммерциялық емес ұйымын құрып жатыр. Бұл туралы саясаттанушы Алексей Чадаев @Sputniklive тілшісіне берген сұхбатында айтты.
Ол Ресейге өзін ойлайтын елдер қажет екенін баса айтты.
"Бізге түрікшіл түріктер, арабшыл арабтар, қазақшыл қазақтар, молдаваншыл молдовандар және сол сияқты елдер қажет", - деді Чадаев.
Батыстан айырмашылығы, "Еуразия" коммерциялық емес ұйымы барлығын қандай да бір блокқа тартуды мақсат етпейді.
Саясаттанушы көпполярлы әлемді сақтау күш-жігерді қажет ететінін айтты. Адамдардың манипуляцияның құрбаны болуына жол бермеу маңызды.
Бұл таза саяси жоба болмайды. Бұл мәдениетаралық диалог алаңы болмақ.
Сондықтан оның құрамына ойшылдар, қоғам қайраткерлері, саясаттанушылар және жалпы өз елдерінде олардың пікірлерімен санасатын адамдар кіреді.
Коммерциялық емес ұйым тек көрші елдерде ғана емес, Түркия, Сербия, Румыния, Болгария, Венгрияда да жұмыс істеуді жоспарлап отыр.
Алексей Чадаевтың айтуынша, "Еуразия" қазір бар пікір көшбасшыларымен де, болашақта қалыптасатын ойшыл адамдармен де жұмыс істеуді жоспарлап отыр.