Фаградальсфьядль деген күрделі атауы бар жанартау шамамен 6 мың жыл бойы "ұйықтап жатты". Бір-екі жыл бұрын ол қайтадан оянды.
Суретте: Исландияның Гриндавик қаласының маңында атқылаған жанартау мен оның үстінде жарқыраған солтүстік шұғыласы.
Табиғаттың бұл көрінісі шоу кезінде қолданылатын арнайы шамдардың жарығына ұқсайды: жерден жанартау атқылап, аспанда сәулелер жарқырайды.
Фаградальсфьядль жанартауы Исландияның Гриндавик қаласына жақын жерде орналасқан. Қазір бұл аумақтан тұрғындар жиі көшіріліп жатыр. Өйткені жанартау атқылауы оларға қауіп төндіреді.
Бірақ туристер бұл қауіптен қорықпайтын секілді. Керісінше, олар осы ғажайып көріністі жергілікті билік рұқсат еткен шекте мүмкіндігінше жақыннан тамашалау және суретке түсіру үшін бұл аймаққа көптеп келіп жатыр.
Оянған жанартау үстінде жарқыраған солтүстік шұғыласы суреттерге өзгеше әсер беріп тұр. Кейбір адамдар бұл таңғажайып құбылысты дрондар арқылы түсіріп жүр.
Бұл көріністер фантастикалық фильмдегі көріністерді еске түсіреді. Табиғаттың мүмкіндігіне таңғалмаса болмайтын секілді!