АСТАНА, 9 сәуір - Sputnik. Бейсенбі күні Запорожье АЭС-тегі соңғы қауіпті оқиғаларға байланысты МАГАТЭ Басқарушылар кеңесінің отырысын өткізу жоспары бекітілді, деп хабарлады Венадағы халықаралық ұйымдар жанындағы Ресей Федерациясының өкілі Михаил Ульянов Telegram-каналында.
Бұдан бұрын хабарланғандай, ресейлік тарап Запорожье АЭС-індегі жағдайдың қауіпті ушығуына байланысты МАГАТЭ Басқарушылар кеңесінің кезектен тыс отырысын өткізуге шақырған.
"Бұл расталды: бейсенбі күні түстен кейін Запорожье АЭС-тегі соңғы қауіпті оқиғаларға арналған МАГАТЭ Басқарушылар кеңесінің кезектен тыс отырысы өтеді", - деп жазды Ульянов.
Бұған дейін Bloomberg агенттігі МАГАТЭ бас директоры Рафаэль Гроссидің мәлімдемесіне сілтеме жасап, Запорожье атом электр станциясы жексенбі күні ұшқышсыз ұшақтың шабуылынан кейін ядролық апатқа "өте қатты жақындағанын" айтты және ол мұндай сценарий ойдан құрастырылмағанын мәлімдеді.
Гросси бұл оқиғаны БҰҰ Қауіпсіздік Кеңесінде талқылайтынын айтты, деп жазды агенттік. Ол сондай-ақ Ресей президенті Владимир Путинмен станциядағы "орта мерзімді жоспар мен болашақ және не болуы мүмкін екені" туралы сөйлескенін айтты.
Жексенбі күні Запорожье АЭС-тің баспасөз қызметі алтыншы энергоблоктың күмбезіне ұшқышсыз ұшақпен шабуыл жасалғанын хабарлады. Ауыр зақымдаулар болмағаны да айтылды. Біраз бұрын асхана аймағына, сондай-ақ жүк порты аймағына ұшқышсыз ұшақтардың келгені хабарланған.
ЗАЭС Днепрдің сол жағалауында Энергодар қаласына жақын жерде орналасқан. Бұл блоктардың саны мен орнатылған қуаты бойынша Еуропадағы ең ірі атом электр станциясы – станцияда қуаты 1 гигаватт алты энергоблок бар. 2022 жылдың қазан айында АЭС Ресей Федерациясының меншігіне өтті.