АСТАНА, 3 сәуір – Sputnik. Мемлекет басшысы Қасым-Жомарт Тоқаев Еуразиялық экономикалық комиссия алқасының басшысы Бақытжан Сағынтаевты қабылдады, деп хабарлады Ақорда.
Қасым-Жомарт Тоқаев бұрынғы премьер-министр және Алматы әкімі болған Сағынтаевты ЕЭК алқасының төрағасы қызметіне кірісуімен құттықтады.
Еуразиялық экономикалық комиссияның басшысы ЕЭК басымдықтары, қатысушы мемлекеттердің өзара іс-қимылын дамытудың жоспарлары мен перспективалық бағыттары, оның ішінде комиссияның Қазақстанмен ынтымақтастығы қандай деңгейде екендігі туралы айтып берді.
"️Кездесуде 2030 және 2045 жылдарға дейінгі "Еуразиялық экономикалық жол" декларациясын іске асыру жөніндегі іс-шаралар жоспарын әзірлеуге байланысты мәселелер талқыланды", - делінген хабарламада.
Сонымен қатар сұхбаттасушылар биыл мамырда Мәскеуде өткен Жоғары Еуразиялық экономикалық кеңестің мерейтойлық отырысына дайындық туралы әңгімелесті, деп түйіндеді Қазақстан президентінің баспасөз қызметі.