АСТАНА, 31 наурыз – Sputnik. Қазақстан Қарулы күштері Әуе қорғанысы күштері тікұшақтарының экипаждары жергілікті халықты құтқаруға, азық-түлік, жылы киімдер мен бірінші кезекте қажетті заттарды жеткізуді жалғастырып жатыр.
Военные эвакуируют население из затопленных районов и доставляют гуманитарную помощь
© Photo : Пресс-служба Минобороны Казахстана
Құтқару жұмыстары Ақтөбе, Қостанай және Абай облыстарында жүргізіліп жатыр, деп хабарлады Қорғаныс министрлігінің баспасөз қызметі.
"30 наурызда әскери ұшқыштар 38 мәрте әуеге көтеріліп, 15 сағаттан астам уақыт ұшты. Осы аралықта 222 адам эвакуацияланды", - делінген хабарламада.
Табиғи апат аудандарына салмағы мың келі апаттан құтқару мүлкі мен төтенше жағдайлар қызметінің 19 маманы жеткізілді. Эвакуациялық пункттерге 10 тонна көлемінде гуманитарлық көмек жеткізіліп, түсірілді.
Военные эвакуируют население из затопленных районов и доставляют гуманитарную помощь
© Photo : Пресс-служба Минобороны Казахстана
Әуе қорғанысы күштерінің жеке құрамы тәулік бойы экстремалды жағдайда жұмыс істепжатыр. Қазіргі уақытта құтқару шараларына 7 тікұшақ жұмылдырылған.