Ежелгі балықшылар қаласы Гриндавик сейсмикалық белсенділік жоғары аймақта орналасқан.
Суретте: Исландиядағы Гриндавик қаласының маңындағы жанартау атқылауы.
Сұйық оттың құрсауындағы қаланың халқы 4000 адамды құрайды. Бірақ тұрғындар бұл жерден былтыр күзде көшірілген. Олар қашан өз мекеніне қайта оралатынын ешкім білмейді: жанартау атқылаулары қайта-қайта қайталанып жатыр. Қала су мен жарықтан мүлдем ажыраған.
Бірқатар жер сілкінісінің салдарынан Гриндавик пен шағын Силингарфелл тауы арасындағы жерде үлкен жанартаулық жарықтар ашылып, олардан ыстық магма төгіліп жатыр.
Рейкьянес түбегіндегі жанартау ошақтарынан әдеттегідей үлкен жарылыстар немесе стратосфераға күлдің айтарлықтай бөлінуін болмағанмен, қауіпті газдар мен үлкен лава ағындары халыққа қауіп төндіріп тұр.
Ыстық лава ағындары Гриндавикке қарай жылжып барады, жер магмамен жарылып жатыр.
Суретте: Исландиядағы Гриндавик қаласының маңындағы жанартаудан ағып жатқан лаваның көрінісі.
Ыстық лава үлкен отты жыланның пішініне ұқсайды. Бұл атқылаулар қауіпті екеніне қарамастан, шытырман оқиғаны сүйетіндер мен фотографтар мұнда әдемі әрі әсерлі сурет түсіру үшін жиі келеді.