АСТАНА, 29 наурыз - Sputnik. Биыл Астанада 60 апатты үйдің тұрғындары 1400 пәтерге көшеді, осылайша шамамен 4200 адамға тұрғын үй, деп хабарлайды елорда әкімдігінің баспасөз қызметі.
Елордада ескі тұрғын үйлерді жаңарту бағдарламасы аясында апатты үйлерді бұзу және елорда тұрғындарын жаңа тұрғын үйге көшіру мәселесі қарастырылған.
2013 жылдан бастап елордада 286 апатты үйдің тұрғындары қоныс аударды. Осылайша 4500-ден астам отбасы жаңа абаттандырылған пәтерлерге ие болды.
Астанада 2023-2029 жылдарға арналған тұрғын үй қорын жаңарту жобасы аясында 206 апатты үйдің тұрғындары 4 710 пәтерге көшіріледі.
Тұрғын үй қорын жаңарту тұрғын үйді және үй орналасқан жер учаскесін реквизициялау тәртібімен авариялық тұрғын үйді бұзу және одан азаматтарды көшіру арқылы қаланың "ескі" кварталдарын кешенді реконструкциялауды көздейді.
Жобаның шарттары бойынша авариялық үйлердің тұрғындарына құқық белгілейтін құжаттарға сәйкес бөлмелер санына және адам санына қарамастан, ауданы бойынша бірдей мөлшерде бірақ кемінде бір бөлмелі жаңа пәтерлер беріледі.