АСТАНА, 23 наурыз – Sputnik. АҚШ сенаты қаржы жылының соңына дейін 1,2 триллион доллар бөлуді көздейтін заң жобасын қолдады, деп хабарлады РИА Новости.
Бұл заң жобасын бұған дейін Өкілдер палатасы мақұлдаған болатын.
Бастаманы 74 сенатор қолдаса, 24 сенатор қарсы шықты.
Агенттік құжатта АҚШ федералды үкіметінің жұмысына 2024 жылдың соңына дейін 1,2 триллион доллар бөлу қарастырылғанын атап өтті. Бұған қоса, заң жобасында Украинаға көмек ретінде 300 миллион доллар және Израильді қолдау үшін 3,3 миллиард доллар қарастырылған.
Sputnik бұған дейін АҚШ президенті Джо Байденнің бірқатар федералды ведомствоны қаржыландыру туралы заңға қол қойғанын хабарлаған болатын.